मोनाको र नेन्ट्सको बराबरी

काठमाडौं । नयाँ सिजनको फ्रेन्च लिग वान फुटबलको पहिलो खेलमा मोनाको र नेन्ट्सले बराबरी खेल्दै अंक बाडेका छन् ।

शुक्रबार राति भएको खेलमा मोनाको र नेन्ट्सले १-१ गोलको बराबरी खेल्दै अंक बाडेका हुन् ।

मोनाकोको घरेलु मैदानमा सुरुवाती अग्रता पनि घरेलु टोलीले बनाएको थियो ।

खेलको १४ औं मिनेटमा गेल्सन मार्टिन्सले गोल गर्दै मोनाकोलाई सुरुवाती अग्रता दिलाएका थिए ।

तर, खेलको ४२ औं मिनेटमा जिन चार्ल्स कास्टेलेट्टोले गोल गर्दै नेन्टसलाई १-१ गोलको बराबरीमा फर्काएका थिए ।

यस बराबरीसँगै दुबै टोलीले सिजनको पहिलो खेलमा एक एक अंक पाएका छन् ।

नेन्ट्स लिगको शीर्ष स्थानमा रहदा मोनाको दोस्रो स्थानमा रहेको छ ।