जापानलाई हराउँदै मेक्सिकोले जित्यो कास्य

एजेन्सी । मेक्सिकोको यू-२३ टोलीले टोकियो ओलम्पिक अन्तर्गत पुरुष फुटबलमा कास्य पदक जितेको छ ।

तेस्रो स्थानको लागि शुक्रबार भएको खेलमा जापानलाई ३-१ गोल अन्तरले पराजित गर्दै मेक्सिकोले कास्य पदक जितेको हो ।

मेक्सिकोको जितमा फ्रान्सिस्को कोर्डोभा, जोहान भास्क्वेज र अर्नेस्टो भेगाले एक एक गोल गरे ।

जापानका कोरु मिटोमाले एक गोल फर्काए ।

१३ औं मिनेटमा फ्रान्सिस्कोले पेनाल्टीमा गोल गर्दै मेक्सिकोलाई अग्रता दिलाएका थिए ।

खेलको ३३ औं मिनेटमा भास्क्वेजले गोल गर्दै मेक्सिकोलाई २-० को अग्रता दिलाए ।

खेलको ५८ औं मिनेटमा भेगाले गोल गर्दा मेक्सिकोको अग्रता ३-० को बन्यो ।

त्यसपछि खेलको ७८ औं मिनेटमा जापानका मिटोमाले एक गोल फर्काएपनि मेक्सिको ३-१ ले विजयी भयो ।

पुरुष फुटबलको स्वर्ण पदकको लागि भने ब्राजिल र स्पेनबीच शनिबार प्रतिस्पर्धा हुनेछ ।