डिफेन्डर सुरज फ्रेन्ड्समा

काठमाडौं । ललितपुरको 'ए' डिभिजन क्लब फ्रेन्ड्सले डिफेन्डर सुरज विकलाई अनुबन्ध गरेको छ ।

फ्रेन्ड्सले सामाजिक संजाल फेसबुकबाट डिफेन्डर सुरजलाई अनुबन्ध गरिएको जनाएको छ ।

फ्रेन्ड्सले नयाँ सिजनको सहिद स्मारक 'ए' डिभिजन लिगका लागि सुरजलाई अनुबन्ध गरेको हो ।

नयाँ सिजनको लिग आगामी कात्तिक २९ गतेबाट सुरु हुनेछ ।

अनुभवी डिफेन्डर सुरजले यस अघि मनाङ मर्स्याङ्दी क्लब र नेपाल पुलिस क्लबबाट खेलेका थिए ।

सुरजले राष्ट्रिय टोलीबाट समेत खेलिसकेका छन् । 

फ्रेन्ड्सले गत साता प्रकाश बुढाथोकीलाई कप्तानको रुपमा अनुबन्ध गरेको थियो ।