जोए हार्ट सेल्टिकमा अनुबन्धित

एजेन्सी । स्कटिस क्लब सेल्टिकले गोलकिपर जोए हार्टलाई अनुबन्धित गरेको छ  ।

सेल्टिकले प्रिमियर लिग क्लब टोटेनहमबाट हार्टलाई अनुबन्ध गरेको छ ।

३४ वर्षीय गोलकिपरले सेल्टिकसँग तीन वर्षको सम्झौता गरेका छन् ।

इंग्ल्यान्डका पूर्व गोलकिपर हार्ट सन् २०२० मा टोटेनहम आएका थिए ।

उनले गत सिजन टोटेनहमका लागि १० खेल खेलेका थिए ।

हार्टले २०१९/२० को सिजनको अन्त्यसँगै बर्नली छाडेका थिए ।

त्यसअघि हार्टले म्यानचेस्टर सिटीबाट खेलेका थिए ।

सिटीका लागि उनले दुई प्रिमियर लिग, दुई लिग कप र एक एफए कप जितेका थिए ।

इंग्ल्यान्डका लागि उनले ७५ खेल खेलेका छन् ।

यस्तै सेल्टिकले मिडफिल्डर जेम्स म्याककर्थीलाई समेत अनुबन्ध गरेको छ ।

जेम्सले सेल्टिकसँग ४ वर्षको सम्झौता गरेका छन् ।