प्रकाश फ्रेन्ड्समा अनुबन्धित

काठमाडौं। सहिद स्मारक ए डिभिजन क्लब फ्रेन्ड्स क्लब कुपन्डोलले मिडफिल्डर प्रकाश बुढाथोकीलाई अनुबन्धित गरेको छ ।

फ्रेन्ड्सले सोमबार राष्ट्रिय टोलीका मिडफिल्डर प्रकाशलाई अनुबन्ध गरिएको जनाएको छ ।

फ्रेन्ड्सले नयाँ सिजनको ए डिभिजन लिगका लागि प्रकाशलाई टिममा अनुबन्ध गरेको हो ।

ए डिभिजन लिग आगामी कात्तिक २९ गतेबाट सुरु हुनेछ ।

यस्तै फ्रेन्ड्सले प्रकाशलाई टिमको कप्तानीको जिम्मेवारी समेत दिएको छ ।

यस अघि फ्रेन्ड्सको कप्तानी सरोज लामाले गर्दै आएका थिए । तर, सराेज यस सिजनका लागि मनाङ मर्स्याङ्दी क्लबमा आबद्द भएका छन् ।

प्रकाशले अघिल्लो सिजनको लिग न्युरोड टिम एनआरटीबाट खेलेका थिए ।

त्यसअघि उनले मनाङको जर्सी लगाएका थिए ।

त्यस्तै उनले थ्री स्टार क्लबबाट समेत खेलिसकेका छन् ।