स्पेन सेमिफाइनलमा

एजेन्सी । स्पेनको यू-२३ टिम टोकियो ओलम्पिक अन्तर्गत पुरुष फुटबलको सेमिफाइनलमा प्रवेश गरेको छ ।

शनिबार भएको पहिलो क्वाटरफाइनलमा आइभरी कोस्टलाई अतिरिक्त समयमा ५-२ गोल अन्तरले पराजित गर्दै स्पेन अन्तिम चारमा पुगेको हो ।

स्पेनको जितमा राफा मिरले ह्याट्रिक गरे । यस्तै डानिल ओल्मो र मिकेल ओयार्जाबलले एक एक गोल गरे ।

आइभरी कोस्टका एरिक बिली र म्याक्स ग्राडेलले एक एक गोल फर्काए ।

रोमान्चक बनेको खेलको निर्धारित ९० मिनेटको समय २-२ गोलको बराबरी भएपछि खेल अतिरिक्त समयमा गएको थियो ।

स्पेन सन् २००० पछि पहिलो पटक ओलम्पिकको सेमिफाइनलमा पुगेको हो ।