काठमाडौं । टोकियो ओलम्पिक खेल्न जापान पुगेकी सुटिङकी कल्पना परियारले प्रशिक्षण सुरु गरेकी छिन् ।
टोकियो पुगेर क्वारेन्टाइनको समय पूरा गर्दै कल्पनाले अभ्यास सत्र सुरु गरेकी हुन् । आयोजकले जापान पुगेका खेलाडीलाई तीन दिनको क्वारेन्टिनको समय अनिवार्य गरेको छ ।
यस अघि जुडोकी सोनिया भट्टले पनि अभ्यास सुरु गरिसकेकी छिन् । त्यस्तै महिनाको सुरुवातमा जापान पुगेका पौडीका खेलाडीद्धय गौरिका सिंह र एलेक्जेन्डर शाहले अभ्यासलाई निरन्तरता दिईरहेका छन् ।
कल्पनाले महिला १० मिटर एयर राइफलमा प्रतिस्पर्धा गर्ने छन् । वाइल्ड कार्डबाट कल्पनाले ओलम्पिकको यात्रा तय गरेकी हुन् ।
टोकियो ओलम्पिकमा नेपालबाट ४ खेलका ५ खेलाडीले चुनौती पेश गर्नेछन् ।
टोकियो ओलम्पिक औपचारिक रुपमा आज (शुक्रबार) बाट सुरु हुँदैछ ।
-1747503617.webp)
