एजेन्सी । युरोपियन क्लब फुटबलको प्रतिष्ठित प्रतियोगिता च्याम्पियन्स लिग अन्तर्गत आज (मंगलबार) ६ खेलहरु हुँदैछ । समूह चरण अन्तर्गत आज चार समूहको ६ खेल हुन लागेको हो ।
च्याम्पियन्स लिग अन्तर्गत समूह 'एफ' बाट इन्ग्लिश क्लब म्यानचेस्टर सिटी र जर्मन क्लब होफेनहाइमले प्रतिस्पर्धा गर्नेछन् । सिटीले उसैको मैदानमा होफेनहाइमविरुद्ध खेल्नेछ ।दुई टोलीबीचको खेल नेपाली समय अनुसार १० : ४० मा सुरु हुनेछ ।
होफेनहाइमविरुद्ध मैदान उत्रदा सिटी पहिलो जितको खोजीमा हुनेछ । समूह चरणको पहिलो खेलमा फ्रेन्च क्लब लियोनसंग स्तब्ध सिटीलाई यो खेल जित्नैपर्ने बाध्यता छ ।
यस समूहमा सिटी अंकबिहिन हुँदै पुछारमा रहेको छ । त्यसैले च्याम्पियन्स लिगको अर्को चरणमा पुग्न पेप ग्वार्डीवालाको टिम सिटीलाई महत्वपूर्ण जित्जो खाचो छ । होफेनहाइमको १ अंक छ ।
यसै समूहको अर्को खेलमा लियोन र शाख्तर डोनेस्कबीच खेल हुनेछ । जुन खेल नेपाली समय अनुसार १२:४५ मा सुरु हुनेछ ।
च्याम्पियन्स लिग अन्तर्गत नै समूह 'एच' को पनि दुई खेल हुँदैछ । यस समूहमा रहेका इटालियन क्लब युभेन्ट्सले योङ ब्वाइजविरुद्ध खेल्नेछ ।
युभेन्ट्स र योङबीचको खेल १०:४० मा सुरु हुनेछ । घरेलु मैदानमा हुने खेलमा युभेन्ट्स शतप्रतिशत जितको लक्ष्यमा हुनेछ । तर, योङविरुद्ध युभेन्ट्सका स्टार स्ट्राइकर क्रिस्टियानो रोनाल्डो मैदानमा हुनेछैनन् ।
भ्यालेन्सियाविरुद्ध रातो कार्ड पाएका रोनाल्डो एक खेलको प्रतिबन्धमा छन् ।
पहिलो खेलमा युभेन्ट्सले भ्यालेन्सियालाई हराएको थियो । युभेन्ट्स ३ अंक जोडेर लिगको शीर्ष स्थानमा छ । योङ अंकबिहिन रहेका छन् ।
यसै समूहको अर्को खेलमा इन्ग्लिश क्लब म्यानचेस्टर युनाइटेडले स्पेनिस क्लब भ्यालेन्सियाविरुद्ध खेल्नेछ । युनाइटेडको मैदानमा हुने खेल राति १२:२४ मा सुरु हुनेछ ।
पहिलो खेलमा योङ ब्वाइजलाई हराएको युनाइटेड लगातार दोस्रो जितको खोजीमा हुनेछ । भ्यालेन्सिया पहिलो जित निकाल्ने लक्ष्यसहित मैदान उत्रनेछ ।
समूह 'ई' अन्तर्गत वायर्न म्युनिखले आयाक्ससंग प्रतिस्पर्धा गर्दा एइके एथेन्सले बेन्फिकासंग खेल्नेछ । दुवै खेल राति १२:४५ मा हुनेछ ।
त्यस्तै समूह 'जी' मा साबिकको विजेता रियल मड्रिडले सीएसकेए मस्कोसंग खेल्दा रोमाले भिक्टोरिया प्लेजेनसंग खेल्नेछन् । दुवै खेल राति १२ :४५ मा सुरु हुनेछ ।
-1747226778.jpeg)
