मोटर स्पोर्ट्स एकेडेमीको सुरुवात

काठमाडौं । नेपालमा पहिलो पटक मोटर स्पोर्ट्स एकेडेमीको सुरुवात भएको छ ।

नेपालमा मोटर तथा मोटर साइक्लिङ्ग स्पोर्ट्सको क्षेत्रमा काम गर्दै आईरहेको नेपाल अटोमोवाइल्स एसोसिएसन (नासा) ले मोटर स्पोर्ट्स एकेडेमी संचालन गरेको हो ।

धुलिखेलस्थित हिमालयन मोटरल्याण्डमा एकेडेमीको सुरुवात गरिएको नासाले जनाएको छ । धुलिखेल नगरपालिकाको सहयोगमा रहेको यस एकेडेमीको अल्टिमेट हिमालयन मोटरल्याण्ड इभेन्ट पार्टनरको रुपमा रहेको नासाले जनाएको छ ।

नासा नेपालका अध्यक्ष दशरथ रिसालको अध्यक्षता एकेडेमीको उद्घाटन धुलिखेल नगर प्रमुख अशोक कुमार ब्यन्जु श्रेष्ठले गरेका थिए ।

उद्घाटनपछि काठमाडौँ, ललितपुर, भक्तपुर तथा काभ्रे लगायतका जिल्लाहरुबाट कार्यक्रमाा सहभागी कुल ४० जनालाई मार्शल तालिम दिईएको थियो ।

सहभागीलाई शुशिल तण्डुकार तथा उनको टिमले मार्शलिङ्गका लागि चाहिने आधारभूत ज्ञान सिकाएका थिए । यस्तै सहभागीलाई ट्रयाकमा लागेर प्राक्टिकल गराईएको थियो । यस एकेडेमीले विभिन्न कलेजका कुल २०० जनालाई तालिम दिन लक्ष्य दिएको छ ।

कार्यक्रममा नासा नेपालका उपाध्यक्ष अनिल कुमार बरालले यस कार्यले नेपालमा मोटर स्पोर्ट्सको नयाँ आयाम थपिने विश्वास व्यक्त गरे ।

नासा नेपालका सदस्य तथा अल्टिमेट हिमालयन मोटरल्याण्डका प्रबन्ध निर्देशक दिप्रश शाक्यले कोरोनाले सिथिल पारेको यस मोटरल्याण्ड छिट्टै नै विभिन्न प्रदेश तथा राष्ट्रियस्तर का खेल कार्यक्रमका साथ अघि बढ्ने बताए ।

नासा नेपालका संस्थापक महासचिव गोविन्द भट्टराईले खेल तथा खेलाडी र भोलिन्टियरबीचको सम्बन्ध, खेल तथा खेलाडी ब्राण्डिङ्गको महत्व बारे प्रकाश पर्दै राखेप को तर्फबाट यस किसिमका शाहसिक तथा पर्यटकीय खेललाई सदैव साथ , सहयोग र समर्थन रहने जनाए ।