बार्टी विम्बल्डनको क्वाटरफाइनलमा

एजेन्सी । विश्व नम्बर एक अस्लेइग बार्टी विम्बल्डन टेनिसको क्वाटरफाइनलमा प्रवेश गरेकी छिन् ।

लण्डनमा सोमबार चेक रिपब्लिककी बारबोरा क्रेचिकोभालाई पराजित गर्दै अष्ट्रेलियाकी बार्टी अन्तिम आठमा पुगेकी हुन् ।

क्वाटरफाइनल पुग्ने क्रममा बार्टीले बारबोरामाथि ७-५ र ६-३ को सेटमा पराजित गरिन् ।

बार्टी पहिलो पटक विम्बल्डनको क्वाटरफाइनलमा प्रवेश गरेकी हुन् ।

यस हारसँगै फ्रेन्च ओपन च्याम्पियन बारबोरा भने प्रतियोगिताबाट बाहिरिएकी छिन् ।

यस्तै बारबोराको १५ खेलको अपराजित यात्रा समेत टुंगिएको छ ।

ट्युनिसियाकी ओन्स जाबेउर पनि पहिलो पटक विम्बल्डनको क्वाटरफाइनलमा प्रवेश गरेकी छिन् ।

पुरुषतर्फ इटालीका माटियो बेराट्टीनी पनि क्वाटरफाइनलमा प्रवेश गरेका छन् ।