मर्रेको विजयी सुरुवात

एजेन्सी । बेलायती खेलाडी एन्डी मर्रेले विम्बल्डन टेनिसमा विजयी सुरुवात गरेका छन् ।

लण्डनमा सोमबार राति जर्जियाका निकोलोज बसिलासभिलीलाई पराजित गर्दै मर्रेले सुखद सुरुवात गरेका हुन् ।

सुखद सुरुवात गर्ने क्रममा मर्रेले निकोलोजलाई ६-४,६-३,५-७ र ६-३ को सेटमा पराजित गरे ।

दुई पटकको च्याम्पियन मर्रेले अब ओस्कार र अर्थरबीचको विजेतासँग खेल्ने छन् ।

३४ वर्षीय मर्रेले २०१७ पछि पहिलो पटक एकलतर्फ प्रतिस्पर्धा गरेका हुन् । चोटको कारण उनी लामो समय कोर्ट बाहिर रहदै आएका छन् ।

पुरुषतर्फ ग्रीसका स्टेफानोस सिसेपस पहिलो चरणबाटै बाहिरिएका छन् । तेस्रो वरियताका स्टेफानोस अमेरिकाक फ्रान्सेस टिआफोईसँग ६-४,६-४ र ६-३ ले पराजित भए ।