काठमाडौं । नेपाल राष्ट्रिय तथा अन्तर्राष्ट्रिय खेलाडी संघ (एनएनआइपिए) ले नवनियुक्त युवा तथा खेलकुद मन्त्री नव नियुक्त युवा तथा खेलकुद मन्त्री एकबाल मियाँलाई ध्यानाकर्षण पत्र बुझाएको छ ।
अध्यक्ष दीपक श्रेष्ठको नेतृत्वमा शुक्रबार मन्त्रालय पुगेर संघले मन्त्री मियाँलाई ध्यानाकर्षण पत्र बुझाएको हो ।
राष्ट्रिय खेलकुद विकास ऐन २०७७ बमोजिम मन्त्रालयले तयार गरेको राष्ट्रिय खेलकुद विकास नियमावलीको प्रारम्भिक मस्यौदा कार्यान्वयमा रहेको नियमावली अनुसार खेलाडी कल्याणकारी कोष नियमावलीको स्थापना नभएकाले संघले ध्यानाकर्षण पत्र बुझाएको हो ।
यस्तै संघले मन्त्री मियाँलाई बधाई तथा शुभकामना समेत दिएको छ ।
ध्यानाकर्षण पत्र -
माननीय मन्त्री ज्यू,
युवा तथा खेलकुद मन्त्रालय
सिंहदवार, काठमाण्डौ ।
बिषयः– खेलाडी कल्याणकारी कोष सम्बन्धमा ।
उपरोक्त बिषयमा हाल जारी “राष्ट्रिय खेलकुद विकास ऐन, २०७७” को दफा ५४ बमोजिम युवा तथा खेलकुद मन्त्रालयबाट तयार भएको राष्ट्रिय खेलकुद विकास नियमावली, २०७७ को प्रारम्भिक मस्यौदामा हाल कार्यान्वयनमा रहेको राष्ट्रिय खेलाडी कल्याणकारी कोष नियमावली, २०६८ अनुसार कोषको स्थापना गरिएको नपाईएकोले उक्त नियमावलीमा देहाय बमोजिमको व्यवस्था हुनु पर्ने देखिएको हुँदा यस संघले माननीय मन्त्रीज्यूको ध्यानाकर्षण सहित यो सुझाव पेश गरेका छौंं ।
तपशिल
१. “राष्ट्रिय खेलाडी कल्याणकारी कोष” को स्थापना, उद्देश्य, प्रयोग र कोषको सञ्चालन देहाय बमोजिम रहेको व्यहोरा अनुरोध छ ः
क. खेलाडीहरुको हकहित र कल्याणको सुरक्षा गर्ने उद्देश्यले युवा तथा खेलकुद मन्त्रालयको मिति २०६८÷११÷२३ को मा.मन्त्रीस्तरीय निर्णयबाट स्वीकृती भई राष्ट्रिय खेलकुद परिषद्ले रु. १ करोड बराबरको खेलाडी कल्याणकारी कोष स्थापना गरी “राष्ट्रिय खेलाडी कल्याणकारी कोष नियमावली, २०६८” कार्यान्वयनमा रहेको छ भने उक्त नियमावलीको नियम ४ मा व्यवस्था भए बमोजिम कोषको मूल उद्देश्य देहाय बमोजिम रहेको छ ः
(क) खेलाडिहरुको खेल प्रतिको निरन्तरतालाई सुनिश्चित गर्ने,
(ख) समग्र खेल जीवनसंग सम्बन्धित खेलाडीहरुको हकहित संरक्षण गर्ने,
(ग) खेलाडीहरुको खेल प्रतिको भावनालाई जागरुक बनाउने, उत्साहित तुल्याउने, राष्ट्रप्रति खेलाडिहरुको समर्पण जगाउने ।
(घ) खेलाडीहरुको कल्याणको लागि सहयोग प्रदान गर्ने ।
ख. त्यसैगरी उक्त राष्ट्रिय खेलाडी कल्याणकारी कोष नियमावली, २०६८ को नियम ५ मा भएको व्यवस्था बमोजिम कोषको प्रयोग देहाय अनुसार रहेको छ ः
(क) खेल क्षेत्रमा समर्पित खेलाडीहरुलाई खेल जीवनमा आईपर्ने भौत्तिक तथा आर्थिक समस्यामा राहत पु¥याउने,
(ख) राष्ट्रिय तथा अन्तर्राष्ट्रिय किर्तिमान कायम गरेका खेलाडीका छोराछोरीलाई छात्रवृत्ति प्रदान गर्ने,
(ग) शारीरिक रुपमा अंगभंग हुन पुगेका खेलाडीहरुको स्वास्थ्य उपचारमा सहयोग गर्ने तथा मृत्यु भएका खेलाडीहरुको परिवारलाई सहयोग गर्ने ।
ग. त्यसैगरी निमावलीको परिच्छेद–३ को नियम ६ बमोजिम कोषको सम्पूर्ण काम कारवाहीको संचालन र रेखदेख गर्न देहाय अनुसारको सञ्चालक समितिको गठन भएको ः
(क) परिषद्का सदस्य सचिव –अध्यक्ष
(ख) युवा तथा खेलकुद मन्त्रालयको प्रतिनिधि –सदस्य
(ग) अर्थ मन्त्रालयको प्रतिनिधि –सदस्य
(घ) परिषद् खेलकुद स्वास्थ्य तथा अनुसन्धान केन्द्र प्रमुख –सदस्य
(ङ) परिषद् आर्थिक प्रशासन प्रमुख –सदस्य
(च) सहयोग गर्नुपर्ने खेलाडीसंग सम्बन्धित खेल संघको अधिकृत पदाधिकारी –सदस्य
(छ) नेपाल राष्ट्रिय तथा अन्तर्राष्ट्रिय खेलाडी संघको अध्यक्ष –सदस्य–सचिव
२ राष्ट्रिय खेलकुद विकास नियमावली, २०७७ को प्रारम्भिक मस्यौदामा देहाय बमोजिमको व्यवस्था हुनु पर्ने र उक्त व्यवस्था नरहे÷नराखिएमा “राष्ट्रिय खेलाडी कल्याणकारी कोष” उद्देश्य बमोजिम सञ्चालन हुन नसक्ने समेतको सुझाव पेश गर्दछौं ः
क. राष्ट्रिय खेलकुद विकास नियमावली, २०७७ मा
(१) परिच्छेद–१ को नियम २ परिभाषाको देहायको (ग) को सट्टा देहायको व्यवस्था हुनु पर्ने ः
(ग) “कोष” भन्नाले नियम २७ बमोजिमको “राष्ट्रिय खेलाडी कल्याणकारी कोष” सम्झनु पर्छ ।
(२) परिच्छेद–६ को मुल नियम २७ को सट्टा देहायको व्यवस्था हुनु पर्ने ः
२७. “राष्ट्रिय खेलाडी कल्याणकारी कोष ः (१) ऐनको दफा ५० बमोजिमको राष्ट्रिय खेलाडी कल्याणकारी कोषमा देहायका रकमहरु रहनेछन्” भन्ने व्यवस्था हुनु पर्ने र यस उपनियममा रहेको देहायको खण्डहरु सोही बमोजिम हुनु पर्ने ।
(३) नियम २७ को उपनियम (५) सट्टा देहायको उपनियम (५) राखिनु पर्ने ः
(५) कोषको खाता सञ्चालक समितिको अध्यक्ष वा निजले तोकेको संचालक समितिको सदस्य र समितिको सदस्य–सचिवको संयुक्त दस्तखतबाट सञ्चालन हुनेछ ।
(४) नियम २८ को उपनियम (२) को सट्टा देहायको उपनियम (२) राखिन पर्ने ः
(२) उपनियम (१) बमोजिमको कार्यमा प्रदान गरिने रकमको निर्धारण गर्ने अधिकार ऐनको दफा १४ बमोजिमको कार्यकारी समिति वा समितिले तोकेको कोष संचालक समितिलाई रहनेछ ।
३. युवा तथा खेलकुद मन्त्रालयको च.नं. १२३५ मिति २०६८÷११÷२६ को पत्रसाथ संलग्न राष्ट्रिय खेलाडी कल्याणकारी कोष नियमावली २०६८ को प्रतिलिपि संलग्न गरिएको छ ।
