एजेन्सी । इटालियन क्लब इन्टर मिलानका डिफेन्डर एस्ले योङ प्रिमियर लिग क्लब एस्टन भिल्लामा अनुबन्धित भएका छन् ।
एस्टनले बिहीबार योङ क्लबमा अनुबन्धित भएको जनाएको छ ।
योङले एस्टनसँग एक वर्षको सम्झौता गरेका छन् ।
इन्टर मिलानलाई सिरी 'ए' को उपाधि जिताएर योङ प्रिमियर लिग क्लब फर्किएका हुन् ।
इंग्ल्यान्डका डिफेन्डर योङ २०२० मा म्यानचेस्टर युनाईटेडबाट इन्टर गएका थिए ।
इन्टरका लागि उनले ४४ खेलमा ५ गोल गरेका थिए ।
३५ वर्षीय योङले २००७ देखि ११ सम्म एस्टनबाट खेलेका थिए ।
त्यसपछि उनी युनाईटेड आएका थिए ।
युनाईटेडमा लामो समय बिताएका उनले क्लबका लागि २ सय ६१ खेल खेलेका थिए ।
योङले इंग्ल्यान्डबाट ३९ खेल खेलेका छन् ।
