एजेन्सी । अमेरिकाले पहिलो संस्करणको कोनकाफ नेसन्स लिग फुटबलको उपाधि जितेको छ ।
कोलोराडोमा सोमबार भएको फाइनलमा मेक्सिकोलाई अतिरिक्त समयमा ३-२ गोल अन्तरले पराजित गर्दै अमेरिकाले उपाधि जितेको हो ।
रोमान्चक बनेको खेलको दोस्रो मिनेटमा जेसस कोरोनाले गोल गर्दै मेक्सिकोलाई सुरुवाती अग्रता दिलाएका थिए ।
तर, खेलको २७ औं मिनेटमा जियोभानी रेनाले गोल गर्दै अमेरिकालाई १-१ गोलको बराबरीमा फर्काए ।
खेलको ७९ औं मिनेटमा डिएगो लाइन्जले गोल गर्दै मेक्सिकोलाई २-१ को अग्रता दिलाए ।
तर, खेलको ८२ औं मिनेटमा वेस्टन म्याकेनीले गोल गर्दै अमेरिकालाई २-२ गोलको बराबरीमा फर्काए ।
निर्धारित समय २-२ गोलको बराबरीमा सकिएपछि खेल अतिरिक्त समयमा गएको थियो ।
त्यसपछि खेलको १ सय १४ औं मिनेटमा क्रिस्टियन पुलिसिचले पेनाल्टीमा गोल गर्दै अमेरिकालाई उपाधि दिलाए ।
-1753017726.jpeg)
