चिठ्ठा तानेर बाँडिए खेलाडी

काठमाडौं । अखिल नेपाल फुटबल संघ (एन्फा) ले युथ एकेडमीका लागि छनोट भएका खेलाडीलाई तीन विभागीय टिमको एकेडेमीलाई बाँडेको छ ।

एन्फाले आइतबार छनोट भएका ४२ खेलाडीलाई लक्की 'ड्र' गरेर विभागीय टिमको एकेडेमीलाई उपलब्ध गराएको  हो ।

एन्फाले समान रुपमा त्रिभुवन आर्मी, नेपाल पुलिस र नेपाल एपीएफ क्लबको एकेडेमीलाई खेलाडी उपलब्ध गराएको हो ।

एन्फाले देशभरबाट छनोट गर्दै एकेडेमीका लागि ४२ जना यू-१३ उमेर समूहका खेलाडी छनोट गरेको थियो ।

एन्फाले कुल १ सय ६६ खेलाडीबाट अन्तिममा ४२ खेलाडी छनोट गरेको हो । एन्फाले फाइनल छनोटमा प्रदेश -१ बाट २८, प्रदेश-२ बाट २४, बागमती प्रदेशबाट ३३, गण्डकीबाट ३१, लुम्बिनीबाट ३०, कर्णालीबाट ८ र सुदूरपश्चिमबाट १२ जना खेलाडी सहभागी भएको जनाएको छ ।

छनोट भएका मध्ये २१ जना छात्रवृत्तिमा भने बाँकी खेलाडी शुल्कसहित छनोट भएका हुन् । यस्तै वैकल्पिकमा ९ खेलाडीलाई राखिएको छ ।

एकेडेमी संचालनका लागि एन्फाले विभागीय टिमको स्कुलसँग यस अघि नै सम्झौता गरिसकेको छ ।

कुन खेलाडी कुन विभागमा ?

U-13 PLAYERS DISTRIBUTION PROGRAM FOR THREE DEPARTMENTAL SCHOOLS