इमिलियानो अनुबन्ध गर्न भिल्ला सहमत

एजेन्सी । प्रिमियर लिग क्लब एस्टन भिल्लाले अर्जेन्टिनाका मिडफिल्डर इमिलियानो बुएनडियालाई अनुबन्ध गर्ने भएको छ ।

भिल्लाले क्लबको कीर्तिमानी मूल्य करिब ३३ मिलियन पाउण्डमा इमिलियानोलाई अनुबन्ध गर्ने भएको हो ।

नर्विच सिटीका मिडफिल्डर अनुबन्धको लागि एस्टन भिल्लाले सहमति गरेको बताईएको छ ।

आर्सनल जाने चर्चा चलिरहेको बेला भिल्ला इमिलियानोलाई अनुबन्ध गर्न कीर्तिमान रकम खर्च गर्न तयार भएको हो ।

इमिलियानोको अर्जेन्टिनामा मेडिकल समेत भएको बताईएको छ ।

२४ वर्षीय मिडफिल्डरले यस सिजन च्याम्पियनसिपमा ३९ खेलमा खेल्दै १५ गोल गरेका छन् । उनले १६ असिस्ट समेत गरेका थिए ।

इमिलियानो यस सिजनको च्याम्पियनसिपमा प्लेयर अफ दि सिजन समेत चुनिएका थिए ।