जोकोभिच अन्तिम १६ मा 

एजेन्सी । सर्बियन स्टार नोभाक जोकोभिच फ्रेन्च ओपन टेनिसको चौंथो चरणमा प्रवेश गरेका छन् ।

पेरिसमा शनिबार भएको खेलमा लिथुनियाका रिकार्डास बेरान्किसलाई हराएर जोकोभिच चौंथो चरणमा पुगेका हुन् ।

विश्व नम्बर एक समेत रहेका जोकोभिचले बेरान्किसलाई ६-१,६-४ र ६-१ ले पराजित गरे ।

अब जोकोभिचले अन्तिम १६ मा इटालीका लोरेन्जो मुसेट्टीसँग खेल्ने छन् ।

लोरेन्जोले आफ्नै देशका मार्कोलाई ३-६,६-४,६-३,३-६ र ६-३ ले पराजित गरे ।

दशौँ वरीयताका डिएगो स्वार्टजम्यान पनि अन्तिम १६ मा पुगेका छन् ।

उनले फिलिपलाई ६-४,६-२ र ६-१ ले पराजित गरे ।

ग्रीसका स्टेफानोस टित्सीपास पनि चौंथो चरणमा पुगेका छन् ।