'धेरै अनुभव लिएर रियल फर्किएको छु'

एजेन्सी । स्पेनिस क्लब रियल मड्रिडका मुख्य प्रशिक्षक कार्लो एन्सेलोटीले आफु धेरै अनुभव बटुलेर रियल फर्किएको बताएका छन् ।

रियल मड्रिडको टिभीसँगको अन्तर्वार्तामा प्रशिक्षक एन्सेलोटीले आफु थप परिपक्क भएर रियल फर्किएको बताएका हुन् । उनले क्लबमा राम्रो गर्ने योजना रहेको समेत बताए ।

'धेरै अनुभवसहित म फर्किएको छु । मलाई थाहा छ रियल मड्रिड धेरै राम्रो छ । विगतमा मैले टिमलाई भेटेको छु । हामी राम्रो गर्ने छौ,' उनले भने ।

रियलले मंगलबार इटालियन प्रशिक्षक एन्सेलोटीलाई मुख्य प्रशिक्षक नियुक्त गरेको थियो । एन्सेलोटीले रियलसँग तीन वर्षको सम्झौता गरेका छन् । उनी सन् २०२४ सम्म रियलमा रहने छन् ।

मुख्य प्रशिक्षक जिनेदान जिदानले क्लब छाडेपछि रियलले पूर्व प्रशिक्षक एन्सेलोटीलाई क्लब फर्काएको हो ।

एन्सेलोटीले २०१३ देखि १५ सम्म रियलको टिम सम्हालेका थिए ।

६१ वर्षीय अनुभवी प्रशिक्षक पछिल्लो समय इंग्लिस क्लब एभर्टनको मुख्य प्रशिक्षक रहेका थिए  । त्यसअघि उनले इटालियन क्लब नापोलीको मुख्य प्रशिक्षक रहेका थिए ।

एन्सेलोटी तीन पटक च्याम्पियन्स लिग जित्ने तेस्रो प्रशिक्षक हुन् । उनले रियल मड्रिड र एसी मिलानमा रहँदा सो सफलता हात पारेका थिए ।

उनले युभेन्ट्स, इन्टर मिलान , चेल्सी, पीएसजी र बार्यन म्युनिखको प्रशिक्षक भएर समेत काम गरिसकेका छन् ।