एन्फा एकेडेमीका लागि ४२ खेलाडी छनोट

गृहपृष्ठ
फुटबल

शुक्रबार, जेठ २१, २०७८ खेलपाटी संवाददाता

काठमाडौं । अखिल नेपाल फुटबल संघ (एन्फा) ले युथ एकेडमीका लागि ४२ जना उमेर समूहका खेलाडी छनोट गरेको छ ।

एन्फाले देशभरबाट छनोट गर्दै एकेडेमीका लागि ४२ जना यू-१३ उमेर समूहका खेलाडी छनोट गरेको हो ।

एन्फाले कुल १ सय ६६ खेलाडीबाट अन्तिममा ४२ खेलाडी छनोट गरेको हो । यस्तै वैकल्पिकमा ९ खेलाडीलाई राखिएको छ ।

एन्फाले फाइनल छनोटमा प्रदेश -१ बाट २८, प्रदेश-२ बाट २४, बागमती प्रदेशबाट ३३, गण्डकीबाट ३१, लुम्बिनीबाट ३०, कर्णालीबाट ८ र सुदूरपश्चिमबाट १२ जना खेलाडी सहभागी भएको जनाएको छ ।

छनोट भएका मध्ये २१ जना छात्रवृत्तिमा भने बाँकी खेलाडीले शुल्कसहित छनोट भएका हुन् ।

एन्फाले छनोट गरेका मध्ये ७/७ जना खेलाडीहरु नेपाल पुलिस क्लब, नेपाल आर्मी क्लब र एपीएफ क्लबको एकेडेमीमा रहने छन् । उनीहरु पूर्व छात्रवृत्तिमा रहने छन् । छात्रवृत्ति बाहेकका बाँकी ७/७ खेलाडीले भने शुल्क तिर्नु पर्नेछ ।

एकेडेमी संचालनका लागि एन्फाले विभागीय टिमको स्कुलसँग यस अघि नै सम्झौता गरिसकेको छ ।

छनोटमा को को परे ?

नामावली हेर्नुहोस् :