नाडाल फ्रेन्च ओपनको तेस्रो चरणमा

एजेन्सी । स्पेनिस राफायल नाडाल फ्रेन्च ओपन टेनिसको तेस्रो चरणमा प्रवेश गरेका छन् ।

पेरिसमा बिहीबार राति भएको खेलमा फ्रान्सका रिचार्ड गास्क्वेटलाई हराएर नाडालले तेस्रो चरणको यात्रा तय गरेका हुन् ।

विश्व नम्बर तीन समेत रहेका नाडालले गास्क्वेटलाई ६-०,७-५ र ६-२ ले पराजित गरे ।

१३ पटकको च्याम्पियन नाडालले अब बेलायतका क्यामरुन नोरीसँग खेल्नेछन् ।

नोरीले दक्षिण अफ्रीकाका लोयड हारिसलाई ४-६,६-३,६-३ र ६-२ ले हराए ।