जावलाखेल भलिबलका सदस्य अनुप निलम्बित

काठमाडौं । जावलाखेल भलिबल प्रशिक्षण केन्द्रले लागुऔषधसहित पक्राउ परेका सदस्य अनुप श्रेष्ठलाई निलम्बन गरेको छ ।

जावलाखेलले मंगलबार केन्द्रिय सदस्य अनुपलाई सदस्य पदबाट निलम्बन गरिएको जनाएको छ ।

जावलाखेल भलिबल टिममा म्यानेजर समेत रहेका अनुपलाई लागुऔषधसहित पक्राउ गरि सोमबार प्रहरीले सार्वजनिक गरेको थियो ।

प्रहरीले उनलाई कुमारीपाटीबाट पक्राउ गरिएको बताएको छ ।

अनुपलाई ५० ग्राम लागुऔषध (एम मेथावाईन) सहित रंगे हात पक्राउ गरिएको ललितपुर प्रहरी प्रमुख एसएसपी किरण बज्राचार्यले जानकारी दिएका थिए ।

प्रहरीले अनुपको कोठाबाठ ५० ग्राम अवैध लागुऔषधसहित जोख्ने डिजिटल तराजु, अन्य केही लागुऔषध र ५० हजार रुपैयाँ बरामद गरेको जनाएको थियो ।