फेडेरर फ्रेन्च ओपनको दोस्रो चरणमा

एजेन्सी । स्विस खेलाडी रोजर फेडेररले फ्रेन्च ओपन टेनिसमा विजयी सुरुवात गरेका छन् ।

पूर्व विश्व नम्बर एक फेडेररले सोमबार डेनिस स्टोमिनलाई हराउँदै फ्रेन्च ओपनको दोस्रो चरणमा स्थान बनाएका हुन् ।

पेरिसमा भएको खेलमा आठौं वरीयताका फेडेररले विना वरीयताका डेनिसलाई ६-२,६-४ र ६-३ ले पराजित गरे ।

२० पटकको ग्राण्डस्लाम विजेता फेडेरर सन् २०१९ पछि पहिलो पटक कोर्ट फर्किएका हुन् ।

रुसका डेनील मेदभेदेबले पनि दोस्रो चरणमा स्थान बनाएका छन् ।

दोस्रो वरीयताका मेदभेदेबले एलेक्सजेण्डर बुब्लिकलाई ६-३,६-३ र ७-५ ले हराए ।

महिलातर्फ जोहन्ना कोन्टा भने पहिलो चरणबाटै बाहिरिएकी छिन् ।