अष्ट्रेलियाले बंगलादेशको भ्रमण गर्ने

एजेन्सी । अष्ट्रेलिया क्रिकेट टिमले बंगलादेशको भ्रमण गर्ने भएको छ ।

अष्ट्रेलियाले टी-ट्वान्टी सिरिजका लागि आगामी अगष्टमा बंगलादेशको भ्रमण गर्ने भएको हो ।

बंगलादेश क्रिकेट बोर्डले अष्ट्रेलियाको टिम सिरिजका लागि आउने पुष्टि गरेको छ ।

अष्ट्रेलियाले घरेलु टिमसँग पाँच खेलको टी-ट्वान्टी सिरिज खेल्नेछ ।

यस अघि तीन खेलको सिरिज तय भएपनि अष्ट्रेलिया पाँच खेलको सिरिजका लागि राजी भएको बंगलादेश क्रिकेट बोर्डका क्रिकेट अप्रेसन आक्रम खानले बताएका छन् ।

'अष्ट्रेलिया तीन खेलबाट पाँच खेलको सिरिजका लागि सहमत भएका छन् । यो करिब ८ देखि ९ दिनको हुनेछ,' उनले भने ।

अष्ट्रेलिया र बंगलादेशले यस सिरिजलाई टी-ट्वान्टी विश्वकपको तयारीको रुपमा लिएको छ ।