आईपीएलमा आबद्द अष्ट्रेलियन खेलाडीहरु माल्दिभ्समा

एजेन्सी । ईन्डियन प्रिमियर लिग क्रिकेट (आईपीएल) टी-ट्वान्टी क्रिकेट प्रतियोगिता खेलिरहेका अष्ट्रेलियाका खेलाडीहरु माल्दिभ्स पुगेका छन् ।

अष्ट्रेलिया सरकारले भारतबाट आउनेलाई प्रतिबन्ध लगाएपछि अष्ट्रेलियाका खेलाडीहरु माल्दिभ्स पुगेका हुन् ।

अष्ट्रेलिया सरकारले मे १५ सम्म भारतबाट आउनेलाई रोक लगाएको छ ।

अष्ट्रेलियन खेलाडीहरु सरकारले फुकुवा नगरेसम्म माल्दिभ्समा बिताउने छन् ।

आईपीएल अनिश्चितकालका लागि स्थगित भएपछि अष्ट्रेलियाका खेलाडीहरु घर फर्कनु अघि माल्दिभ्स गएका हुन् ।

कोरोना भाईरसको संक्रमण बढेसँगै आईपीएल अनिश्चितकालका लागि स्थगित गरिएको थियो ।

आईपीएलमा आबद्द अष्ट्रेलियन मध्ये चेन्नई सुपर किङ्सका ब्याटिङ प्रशिक्षक माइक हस्सीलाई कोरोना देखिएको थियो ।

हस्सी भने भारतकै क्वारेन्टिनमा बसेका छन् ।

आईपीएल खेल्न आएका इंग्ल्यान्डका ११ खेलाडी पनि घर फर्किसकेका छन् ।