बंगलादेश र श्रीलंकाबीचको सिरिज ढाकामा हुने

एजेन्सी । घरेलु टिम बंगलादेश र श्रीलंकाबीचको एकदिवसीय सिरिज ढाकामा हुने भएको छ ।

बंगलादेश क्रिकेट बोर्डले बुधबार एकदिवसीय सिरिज ढाकास्थित शेर बंगला नेसनल स्टेडियममा हुने जनाएको छ ।

बंगलादेश र श्रीलंकाबीच तीन खेलको एकदिवसीय सिरिज हुनेछ ।

आईसीसी एकदिवसीय सुपर लिग अन्तर्गत रहेको सिरिजको पहिलो खेल मे २३ मा हुनेछ ।

यस्तै दोस्रो खेल मे २५ र अन्तिम खेल मे २८ मा हुनेछ ।

सिरिजका लागि श्रीलंकाको टिम मे १६ मा ढाका आईपुग्ने छन् ।