कोरोना प्रभावितलाई जयदेवको सहयोग

एजेन्सी । इन्डियन प्रिमियर लिग (आईपीएल) टिम राजस्थान रोयल्सका बलर जयदेव उनादकटले कोरोना प्रभावितलाई सहयोग गरेका छन् ।

भारतीय टिममा सदस्य समेत रहेका बलर उनादकटले कोरोना प्रभावितका लागि मेडिकल सामग्री किन्नको लागि सहयोग गरेका हुन् ।

उनले आईपीएलबाट आउने तलबको १० प्रतिशत सहयोग गर्ने घोषणा गरेका हुन् ।

भारतमा पछिल्लो समय कोरोनाको महामारी तीव्र रुपमा फैलिरहेको छ ।

भारतमा कोरोनाको दोस्रो लहर चलिरहेको छ । जसको कारण लाखौ मानिस प्रभावित भएका छन् ।