एजेन्सी । टी-ट्वान्टी फर्म्याटको क्रिकेट पछिल्लो समय लोकप्रिय छ । यस फर्म्याटको क्रिकेट लोकप्रिय हुनको कारण विभिन्न देशमा हुने टी–ट्वान्टी फ्रेन्चाईज लिग पनि हो ।
यस फर्म्याटमा दर्शकले लगातारको बाउन्ड्री देख्न पाउनुले पनि धेरैको रोजाईमा पर्न गएको हो । दर्शकलाई कम समयमा धेरै मनोरञ्जन चाहिने भएकाले पनि टी–ट्वान्टी फर्म्याटको लोकप्रिय भएको मान्न सकिन्छ ।
टी–ट्वान्टीमा पहिलो बलबाट नै अधिक रन बनाउन दबाब रहन्छ । त्यसैले टी–ट्वान्टीमा ब्याट्सम्यानले आक्रमक ब्याटिङ गर्ने गर्दछन् । जसमा ब्याट्सम्यानलाई आउट हुन सक्ने अधिक जोखिम पनि रहेको हुन्छ ।
तर, त्यस्ता केही ब्याट्सम्यान छन् यस टी–ट्वान्टी क्रिकेटमा १० हजार भन्दा बढी रन बनाएका छन् ।
टी–ट्वान्टीमा सर्वाधिक रन जोड्ने चार खेलाडी -
४. डेभिड डेविड वार्नर (१०,०१७ रन)
अस्ट्रेलियाका डेविड वार्नरलाई टी–ट्वान्टी फर्म्याटमा विस्फोटक ब्याट्सम्यानको रुपमा परिचित छन् । ओपनर ब्याट्सम्यान वार्नरले आफ्नो आक्रामक ब्याटिङले बलरलाई सधै आफ्नो दबाबमा राख्ने गर्दछन् ।
बुधबार आईपीएलमा चेन्नई सुपर किंग्सविरुद्ध भएको खेलमा वार्नरले अर्धशतक जोड्दै टी–ट्वान्टीमा १० हजारको आँकडा पूरा गरेका थिए । उनी टी–ट्वान्टीमा १० हजार रन बनाउने चौथो खेलाडी बने ।
वार्नरले फरक फरक टिमका लागि टी–ट्वान्टी खेल खेल्दै ३०४ खेलमा ३७.८० को औसतमा १० हजार १७ रन बनाएका हुन् ।
३. शोएब मलिक (१०,४८८ रन)
पाकिस्तानका ब्याट्सम्यान तथा टी–ट्वान्टी फर्म्याटका माहिर खेलाडी मध्ये एक हुन् शोएब मलिक । मलिकले टी–ट्वान्टीमा पाकिस्तान तथा अन्य फरक लिगमा खेल्दै धेरै रन जोडेका छन्। टी–ट्वान्टीमा १० हजार रन बनाउने मलिक एशियाका एक्ला खेलाडी हुन् । उनले ४१७ खेलमा ३०.०७ को औसतमा १० हजार ४ सय ८८ रन जोडेका छन् ।
२. केइरन पोलार्ड (१०,६९४ रन)
वेस्ट इन्डिजका अलराउन्डर किरोन पोलार्डको स्तर टी–ट्वान्टी क्रिकेटमा अन्य खेलाडी भन्दा फरक स्थानमा छ । अलराउन्डर पोलार्डले फरक फरक राष्ट्रका विभिन्न लिग खेल्दै मध्येक्रममा सर्वाधिक रन बनाए ।
पोलार्ड एक आक्रामक ब्याट्सम्यानले टी–ट्वान्टी फर्म्याटमा परिचित छन् । यसै क्रममा उनको नाम टी–ट्वान्टी क्रिकेटमा १० हजार भन्दा बढी रन बनाउने खेलाडीको दोस्रो स्थानमा छ ।
उनले ५३९ खेलमा ३१.४५ को औसतमा १० हजार ६ सय ९४ रन जोडेका छन् । उनले टी–ट्वान्टीमा एक शतक र ५२ अर्धशतक बनाएका छन् ।
१. क्रिस गेल (१३,८३९ रन)
टी–ट्वान्टी क्रिकेटमा जसको सबैभन्दा बढी दबाब देख्न पाइन्छ उनी हुन्, क्रिस गेल । गेलले टी–ट्वान्टी फर्म्याटको प्रतियोगितामा धेरै उपलब्धि हासिल गरेका छन् ।
उनी यस फर्म्याटमा १० हजार भन्दा बढी रन बनाउने खेलाडीको पहिलो स्थानमा छन् । गेलको नाममा टी–ट्वान्टीमा २२ शतक र ८६ अर्धशतक छन् । उनले टी–ट्वान्टीमा धेरै रेकर्ड आफ्नो नाममा राखेका छन् ।
गेलले टी–ट्वान्टीका ४२२ खेलमा ३७.९१ को औसतमा १३ हजार ८ सय ३९ रन जोडेका छन् ।
-1752456636.jpeg)
