राजस्थानद्वारा मुम्बईलाई १७२ रनको लक्ष्य

एजेन्सी । ईन्डियन प्रिमियर लिग क्रिकेट (आईपीएल) मा राजस्थान रोयल्सले मुम्बई इन्डियन्सलाई जितका लागि १ सय ७२ रनको लक्ष्य दिएको छ ।

दिल्लीमा पहिले ब्याटिङ गरेको राजस्थानले २० ओभरमा ४ विकेट गुमाएर १ सय ७१ रन बनायो ।

राजस्थानका लागि कप्तान सन्जु सामसनले सर्वाधिक ४२ रन बनाए ।

यस्तै जोस बट्लरले ४१ रन जोड्दा शिबम डुबेले ३५ रन बनाए ।

याशभी जैशवालले ३२ रन जोडे ।

मुम्बईका लागि राहुल चाहरले २ विकेट लिए । ट्रेन्ट बोल्ट र जस्प्रित बुम्राहले १/१ विकेट लिए ।

आज मुम्बई तेस्रो जित निकाल्ने योजना रहेकोछ ।

मुम्बई पाँच खेलमा ४ अंक जोडेर चौंथो स्थानमा रहेको छ ।

राजस्थान पनि तेस्रो जित निकाल्ने योजनामा रहेको छ ।

राजस्थान ५ खेलमा ४ अंक जोडेर सातौं स्थानमा रहेको छ ।