आर्चरले आईपीएल गुमाउने

एजेन्सी । इंग्ल्यान्डका तीव्र गतिका बलर जोफ्रा आर्चरले भारतमा जारी ईन्डियन प्रिमियर लिग क्रिकेट (आईपीएल) गुमाउने भएका छन् ।

चोटको कारण बलर आर्चरले आईपीएलको यस सिजन गुमाउने भएका हुन् ।

आर्चर राजस्थान रोयल्समा आबद्द थिए । उनी चोट मुक्त हुँदै टिममा सामेल हुने तयारीमा रहेका थिए ।

तर,चोटलाई पूर्ण रुपमा ठिक बनाउनका लागि आर्चरले आईपीएल नखेल्ने भएका हुन् ।

आर्चरको दाहिने हातको कुहिनोको चोट बोकेका छन् । उनले चोटको शल्यक्रिया समेत गराएका थिए ।

आर्चरले हात जनवरीमा माछा राख्ने ट्यांक सफा गर्दा चोट बोकेको बताईएको छ ।

चोटकै कारण आर्चरले भारतविरुद्धको एकदिवसीय सिरिज गुमाएका थिए । जुन सिरिज भारतले २-१ ले जितेको थियो ।

आर्चरले चोटकै कारण भारतविरुद्धको दुई टेस्ट खेलेका थिएनन् । टी-ट्वान्टी भने आर्चरले खेलेका थिए ।