बायर्न उपाधि नजिक, शाल्के रेलिगेसनमा

एजेन्सी । जर्मन बुन्डेसलिगा फुटबलमा साविक विजेता बायर्नले सहज जित निकालेको छ ।

मंगलबार राति भएको खेलमा बायर्नले बायर लिभरकुसनलाई २-० गोल अन्तरले पराजित गरेको हो ।

बायर्नको जितमा इरिक म्याक्सिम मोटिङ र जोसुवा किमिचले एक एक गोल गरे ।

जितसँगै बायर्न उपाधि नजिक पुगेको छ ।

उपाधि जित्न बायर्नलाई अब एक जितको आवश्यकता रहेको छ ।

जितसँगै बायर्नले ३१ खेलमा ७१ अंक जोडेको छ ।

४७ अंक जोडेको लिभरकुसेन छैटौं स्थानमा रहेको छ ।

यस्तै शाल्के भने बुन्डेसलिगाबाट रेलिगेसनमा परेको छ ।

अर्मिनियासँग १-० ले पराजित भएपछि शाल्के रेलिगेसनमा परेको हो ।

शाल्के ३० वर्षपछि रेलिगेसनमा परेको हो ।