'रोनाल्डोको व्यवहार अस्वीकार्य'

एजेन्सी । पोर्चुगलका पूर्व डिफेन्डर फर्नान्डो मीराले विश्वकप छनौट अन्तर्गत सर्बियाविरुद्धको खेलमा स्ट्राइकर क्रिस्टियानो रोनाल्डोले देखाएको व्यवहार अस्वीकार्य भएको बताएका छन् ।

विश्वकपको युरोपियन छनौट अन्तर्गत शनिबार राति सर्बियाविरुद्ध २-२ गोलको बराबरीमा रोकिएको खेलमा रोनाल्डो खेल नसकिदै आर्मब्यान्ड फालेर मैदानबाट बाहिरिएका थिए ।

रोनाल्डोले खेलको इन्जुरी समयमा गरेको गोललाई मान्यता नदिएपछि रोनाल्डो रिसाएका थिए ।

रोनाल्डोको बलले गोललाइन क्रस गरेको थियो । तर, मुख्य रेफ्री र लाइन्सम्यानले बलले गोललाइन क्रस गरेको देखेन । रोनाल्डोको बललाई सर्बियाका डिफेन्डरले क्लियर गरेका थिए ।

रेफ्रीले आफ्नो गोललाई मान्यता नदिएपछि रोनाल्डो रेफ्रीले अन्तिम सिठ्ठी बजाउनु अघि नै मैदानबाट बाहिरिएका थिए । मैदानबाट बाहिरिदा उनले कप्तानको आर्मब्याण्ड समेत मैदानमा फालेका थिए ।

‘यो स्पष्ट गोल हो तर रोनाल्डोले पोर्चुगलको आर्मब्याण्ड भुँईमा फाल्न पाउदैनन्,’ मीराले भने, ‘क्रिस्टियानोको प्रतिक्रिया प्राकृतिक हो तर राष्ट्रिय टिमको कप्तानकोलागि अस्वीकार्य हो । तपाईले कप्तानको आर्मब्यान्ड भुँईमा फाल्न पाउनुहुन्न र खेल चलिरहेको समयमा चेन्जिङ रुममा जान पाउनुहुन्न ।’

यस्तै मीराले रोनाल्डो टिमको महत्वपूर्ण खेलाडी भएको कारण यो व्यवहार राम्रो नभएको बताए ।

‘यो महत्वपूर्ण खेलाडीकोलागि स्वीकार्य हुँदैन । म उसको निराशा बुझ्छु र उसँग सहमत छु किनकि मान्य थियो तर रेफ्रीहरु त्यो हुन् जसले निर्णयहरु लिन्छन् बिना भीएआरको सहायताले र उसले एउटा उदाहरण सेट गर्यो ।’

विश्वकप छनौटमा भिडियो असिस्टेन्ट रेफ्री (भीएआर) को प्रयोग गरिएको छैन ।