विराटनगर सिटी फुटबल क्लबको उद्धघाटन

इलाम । आगामी बैशाख ११ गतेबाट संचालन हुने नेपाल सुपर लिगमा प्रदेश १ को प्रतिनिधित्व गरेको विराटनगर सिटी फुटबल क्लबको उद्धघाटन गरिएको छ ।

प्रदेश एकका मुख्यमन्त्री शेरधन राईले एक समारोहका बिच क्लबको उद्धघाटन गरेका हुन् ।

उद्धघाटनपछि बोल्दै राईले विराटनगर सिटी फुटबल क्लबले प्रदेश एकमै अभ्यास गर्ने भएकाले फुटबल विकासको निम्ति कोशेढुङ्गा सावित हुने बताए । क्लबका अध्यक्ष अनुप रञ्जन भट्टराईका अनुसार बिराटनगर सिटी फुटबल क्लबको मुख्यालय बिराटनगरमा नै स्थापना हुने छ ।

उद्घाटन समारोहमा बोल्दै भट्टराईले भने, 'विराटनगर र प्रदेश १ मा फुटबल प्रतिको मोह निकै गहिरो छ र यस प्रदेशमा फुटबलको विकास नै हाम्रो मुख्य लक्ष्य रहनेछ ।'

प्रमुख कार्यकरी अधिकृत सुभाशिश कोइरालाका अनुसार टोलीमा नेपालका प्रख्यात र उदाउदै गरेका खेलाडीहरु रहनेछन् । केहि अनुभवी विदेशी खेलाडीहरु समेत समावेश गरिने छन् ।

यसै गरि, टोलीले नेपाल सुपर लिग प्रारम्भ हुनु अगाडी बिराटनगरमा नै प्रशिक्षण गर्ने भएको छ । जसमा बिराटनगरका युवा खेलाडी हरुलाई समेत समावेश गरिने छ ।

कार्यक्रममा आन्तरिक मामिला तथा कानुन मन्त्री हिक्मत कुमार कार्की, विभिन्न नगरपालिकाहरुका प्रमुख, पुर्वान्चल विश्वविद्यालयका उपकुलपति प्रो डा यादव राज कोइराला, पूर्व फुटबल खेलाडी बिष्णु बराल, मोरङ फुटबल संघ का अध्यक्ष दिपेन्द्र धिमाल लगायतको उपस्थिती रहेको थियो ।

नेपाली राष्ट्रिय टोलीका डिफेन्डर मोरङको उर्लावारीका रञ्जित धिमाललाई मार्की खेलाडी बनाएको विराटनगरले गत साता सम्पन्न अक्सनबाट १४ खेलाडी छनौट गरेको छ । हालसम्म टोलीले प्रशिक्षक अनुबन्ध गरेको छैन् । टोलीका लागि आवश्यक विदेशी खेलाडी र प्रशिक्षक चाडै अनुबन्ध गर्ने प्रक्रियामा रहेको जनाइएको छ ।

टोलीले अक्सनबाट प्राप्त गरेका खेलाडीहरु : अशोक थापा, किशोर गिरी, बिक्रम धिमाल, सरोज दाहाल, सुनिल बल, सुरज जिउ ठकुरी, विजय धिमाल, सुर्य अधिकारी, सन्तोष तामाङ, हेम तामाङ, सुशील लामा, सुनिल खड्का, दिपक राई, निर कुमार राई