एजेन्सी । इटालियन सिरी 'ए' फुटबलमा साविक विजेता युभेन्ट्स पराजित भएको छ ।
आइतबार राति भएको खेलमा युभेन्ट्स बेनेभेन्टोसँग १-० गोल अन्तरले पराजित भएको हो ।
युभेन्ट्स घरेलु मैदानमै पराजित भएको हो ।
बेनेभेन्टोलाई जित दिलाउन एडोल्फो गाइचले निर्णायक गोल गरे ।
पहिलो हाफ गोलरहित बराबरीमा सकिएको खेलको ६९ औं मिनेटमा एडोल्फोले निर्णायक गोल गरेका हुन् ।
घरेलु मैदानको पराजयसँगै युभेन्ट्सले दोस्रो स्थानमा उक्लने मौका गुमाएको छ ।
युभेन्ट्सले २७ खेलमा ५५ अंक जोडेको छ । युभेन्ट्स तेस्रो स्थानमा रहेको छ ।
बेनेभेन्टो २९ अंक जोडेर १६ औं स्थानमा रहेको छ ।
अर्को खेलमा एट्लान्टाले हेलास भेरोनालाई २-० ले हराएको छ ।
साम्पडोरियाले टोरिनोलाई १-० ले तथा लाजियोले उडिनेसेलाई १-० ले नै हराएको छ ।
-1753017726.jpeg)
