आर्मीको खराब सुरुवात

काठमाडौं । काठमाडौं मेयर्स कप एकदिवसीय पुरुष क्रिकेट प्रतियोगितामा अहिले दुई विभागीय टिम त्रिभुवन आर्मी क्लब र नेपाल पुलिस क्लबबीच प्रतिस्पर्धा भईरहेको छ ।

मुलपानी क्रिकेट मैदानमा आर्मी टस जितेर पहिले ब्याटिङ गरिरहेको छ । तर, पुलिसविरुद्ध आर्मीले खराब सुरुवात गरेको छ ।

आर्मीले २१ रन जोड्दा महत्वपूर्ण ४ विकेट गुमाईसकेको छ ।

आर्मीका सोमपाल कामी ४ रन जोड्दा आउट भए भने राजु रिजाल र हरि चौहान ४/४ रनमा आउट भए ।

चौंथो विकेटको रुपमा राजेश पुलामी ६ रनमा आउट भए ।

पुलिसका सागर ढकालले ३ विकेट लिईसकेका छन् ।

आज आर्मी र पुलिस दोस्रो जितको खोजीमा रहेका छन् ।

पहिलो खेलमा एपीएफसँग पराजित आर्मीले दोस्रो खेलमा काठमाडौं मेयर-११ लाई हराएको थियो ।

पुलिसले भने पहिलो खेलमा बागमतीलाई हराएको थियो । दोस्रो खेलमा पुलिस एपीएफसँग पराजित भएको थियो ।