आयोजक योङ स्टारको विजयी सुरुवात

मेलम्ची । योङ स्टार युवा क्लब मेलम्चीले जिल्ला स्तरीय खुल्ला भलिबल प्रतियोगितामा विजयी सुरुवात गरेको छ ।

मेलम्ची नगरपालिका ७ दुवाचौरमा बिहीबार भएको खेलमा आयोजक योङ स्टार युवा क्लब दुवाचौरले इन्द्रावती गाउँपालिकालाई २-० को सेटमा पराजित गर्यो ।

यस्तै प्रतिभा युवा क्लब दुवाचौरले बालसुधार मा.वि. लाई २-०, परीवर्तनशिल युवा क्लबले दोर्जेलाक्पा युवा क्लबलाई २-०, दुवाचौर सामुदायिक युवा क्लबले नमुना युथ क्लबलाई समान २-० को साझो सेटमा पराजित गरेको छ ।

त्यस्तै पाँचपोखरी थाङपाल गाउँपालिकाले बालसुधार मा.विलाई २-०, कालिकादेवी युवा क्लबले दुवाचौर सामुदायिक युवा क्लबलाई २-०, प्रतिभा युवा क्लब क्यौरानीले पाँचपोखरी थाङपाल गाउँपालिकालाई २-० र परिवर्तनशिल युवा क्लब दुवाचौरले हिमशिखर युवा क्लब हेलम्बुलाई समान २-० को सोझो सेटमा पराजित गरेको छ ।

योङ स्टार युवा क्लब मेलम्ची नगरपालिका वडा नम्बर ७ दुवाचौरको आयोजनामा जारी प्रतियोगितामा पहिलो, दोस्रो र तेस्रो हुनेलाई क्रमश ७५ हजार, ५० हजार र २५ हजार रुपैंया प्रदान गरिने आयोजकका सदस्य सानुबाबु गिरिले बताए ।

प्रतियोगिताको उद्घाटन मेलम्ची नगरपालिकाका प्रमुख डम्बर बहादुर अर्यालले गरेका थिए ।