ओसाकालाई अष्ट्रेलियन ओपनको उपाधि

एजेन्सी । जापानी खेलाडी नाओमी ओसाकाले अष्ट्रेलियन ओपन टेनिसको महिलातर्फको उपाधि जितेकी छिन् ।

मेलबर्नमा शनिबार भएको फाइनलमा अमेरिकी खेलाडी जेनिफर ब्राडीलाई पराजित गर्दै ओसाका च्याम्पियन बनेकी हुन् ।

उपाधि जित्ने क्रममा तेस्रो वरीयताकी ओसाकाले २२ औं वरीयता प्राप्त ब्राडीलाई ६-४ र ६-३ को सेटमा पराजित गरिन् ।

यससँगै ओसाकाले दोस्रो पटक अष्ट्रेलियन ओपनको उपाधि जित्न सफल भएकी छिन् ।

यस अघि ओसाकाले सन् २०१९ मा उपाधि जितेकी थिइन् ।

ओसाकाको यो चौंथो ग्राण्डस्लाम उपाधि हो ।

पुरुषतर्फको उपाधिका लागि नोभाक जोकोभिच र डानिल मेदभेदेब भिड्ने छन् ।

पुरुषतर्फको उपाधि भिडन्त आइतबार हुनेछ ।