इलाम । ११ औं संस्करणको पवित्रहाङमा कप फूटबल प्रतियोगिताको उपाधि रोयल स्पोर्टिङ क्लब दमकले जितेको छ ।
आइतबार भएको फाइनल खेलमा डिफेन्डिङ च्याम्पियन एपीएससी माङ्सेबुङमाथी १-० झिनो गोल अन्तरले हराउँदै दमकले उपाधि आफनो पक्षमा पारेको हो ।
दमकको जितमा नेपाल यू-१६ टोलीकी सदस्य निकिता थोकरले निर्णायक गोल गरिन् ।
विजेता बनेको दमकले उपाधिसंगै नगद १ लाख १ सय ६५ रुपैयाँ प्राप्त गर्यो । उपविजेता माङ्सेबुङले नगद ५० हजार १ सय ६५ रुपैयाँ प्राप्त गर्यो ।
किरात धर्मगुरु आमा साँवा पवित्रहाङ्मा लिङ्देनको ६५ औं जन्मजयन्तीको अवसरमा गत माघ २९ गतेबाट माङ्सेबुङ गाउँपालिका–५ मा रहेको आत्मानन्द खेलमैदानमा प्रतियोगिता संचालन गरिएको थियो ।
प्रतियोगितमा इलाम, झापा, मोरङ, सुनसरी, उदयपुर र छिमेकी देश भारतको एक टिमको सहभागिता रहेको थियो ।
पुरस्कार गुरुआमाको जन्मोत्सव समारोहको अवसरमा फागुन ३ गते वितरण हुने आयोजक आत्मा पवित्र हक्चात यक्चुमका अध्यक्ष मनकुमार आङबुहाङले जानकारी दिए ।
२०६७ सालबाट हरेक वर्ष गुरुआमाको जन्मोत्सवको अवसरमा प्रतियोगिता आयोजना गर्दै आएको छ ।
