पहिलो हाफमा विराटनगरलाई अग्रता

काठमाडौं । राष्ट्रिय महिला लिग फुटबलमा अहिले विराटनगर महानगरपालिका र चौदण्डीगढी नगरपालिकाबीच प्रतिस्पर्धा भईरहेको छ ।

सातदोबाटोस्थित एन्फा कम्प्लेक्समा जारी खेलको पहिलो हाफ सकिदा विराटनगरले ४-० को अग्रता बनाएको छ ।

अनु राईले २१ औं मिनेटमा गोल गर्दै विराटनगरलाई अग्रता दिलाएकी थिइन् ।

खेलको ३६ औं मिनेटमा अनुले व्यक्तिगत दोस्रो गोल गर्दै विराटनगरलाई २-० को अग्रता दिलाईन् ।

खेलको ३९ औं मिनेटमा ईमा राईले गोल गर्दा विराटनगर ३-० ले अघि रह्यो ।

त्यसपछि खेलको ४३ औं मिनेटमा मनिषा थापा मगरले गोल गर्दा पहिलो हाफमा विराटनगर ४-० ले अघि रहेको छ ।

आज विराटनगर दोस्रो जितको खोजीमा रहेको छ । विराटनगरले ३ खेलमा ४ अंक जोडेको छ ।

विराटनगर पाँचौं स्थानमा रहेको छ । चौदण्डीगढी भने पहिलो जितको खोजीमा रहेको छ ।

तीन खेलमा अंक विहीन चौदण्डी पुछारमा रहेको छ ।