कागवा ग्रीसको क्लबमा अनुबन्धित

एजेन्सी । जापानका मिडफिल्डर सिन्जी कागवा ग्रीसको क्लब पीएओके एफसीमा अनुबन्धित भएका छन् ।

इंग्लिस क्लब म्यानचेस्टर युनाईटेडका पूर्व मिडफिल्डर समेत रहेका कागवा ग्रीसको सुपर लिग क्लबमा अनुबन्धित भएका हुन् ।

कागवाले ग्रीसको क्लबसँग १८ महिनाको सम्झौता गरेका छन् ।

कागवाले गत सिजन स्पेनको दोस्रो डिभिजन क्लब रियल जारागोजाबाट खेलेका थिए । त्यसअघि उनले जर्मन क्लब बोरुसिया डर्टमण्डबाट खेलेका थिए ।

कागवा सन् २०१४ मा इन्ग्लिश क्लबबाट डर्टमण्ड फर्किएका थिए ।

कागवाले युनाईटेडबाट दुई सिजन खेल्दै ३८ खेलमा ६ गोल गरेका थिए ।

जापानबाट उनले ९७ खेलमा ३१ गोल गरिसकेका छन् । रुस विश्वकपमा कागवा जापानिज टिममा रहेका थिए ।