चन्द्रपुरको महिला टिमलाई खेल सामाग्री सहयोग

काठमाडौं । 'ए' डिभिजन क्लब मछिन्द्र र पेपे पिज्जाले राष्ट्रिय महिला लिग फुटबलमा सहभागी बनेको रौतहटको चन्द्रपुर नगरपालिकाको महिला टिमलाई खेल सामाग्री सहयोग गरेका छन् ।

मंगलबार एक कार्यक्रमका बीच मछिन्द्र र पेपे पिज्जाले मोफसलबाट महिला लिगमा सहभागी बनेको टिमलाई खेल सामाग्री प्रदान गरेको हो ।
अभिनेता दयाहाङ्ग राईले महिला खेलाडीलाई खेल सामाग्री सहित विभिन्न उपहार प्रदान गरेका थिए ।

विभिन्न संघर्ष पार गर्दै राष्ट्रिय लिगसम्म पुगेको मोफसलको टिमलाई हौसला प्रदान गर्न खेल सामाग्री सहयोग गरिएको मछिन्द्र क्लबका म्यानेजर अनिल श्रेष्ठले बताए ।

उनीहरुको ईतिहास हेर्यौ । केही गरौ भन्ने उद्धेश्यले हौसला बढाउन केही पहल गरेका हौ । उनले कार्यक्रममा भने ।

श्रेष्ठले मछिन्द्र र पेपे पिज्जाले गरेको सहयोगबाट अन्य संघ संस्था समेत प्रेरित हुने आशा ब्यक्त गरे ।

म्हिला फुटबलमा विस्तारै अघि बढ्ने क्रममा छ । महिला टिमका खेलाडीलाई सबैले सहयोग गरेको खण्डमा पुरुष फुटबल जस्तो हुन सक्ने सम्भावना छ । उनले थपे ।

कार्यक्रममा चन्द्रपुर टिमका २६ जना खेलाडीलाई खेल सामाग्री सहित विभिन्न उपहार प्रदान गरिएको थियो ।

खेलाडीले फुटबल, बुट, मोजा, ब्याग, खाद्य सामाग्री सहित युनिलिभरका विभिन्न सामान प्राप्त गरेका थिए ।

सहयोग कार्यक्रमलाई मछिन्द्र र पेपे पिज्जा सहित युनिलिभर, पीएनजी संयुक्त रुपमा मिलेर आयोजना गरेका थिए ।

मम्छिन्द्र क्लबले अगुवाई गरेको कार्यक्रममा करिब ४ लाख रुपैयाँ बराबरको सामाग्री खेलाडीलाई हस्तान्तरण गरिएको थियो ।