ओजिल टर्किस क्लबमा अनुबन्धित

एजेन्सी । इंग्लिस क्लब आर्सनलका मिडफिल्डर मोसिट ओजिल टर्किस क्लब फेनरबाचेमा अनुबन्धित भएका छन् ।

जर्मन मिडफिल्डर ओजिलले आइतबार टर्किस क्लबसँग साढे तीन वर्षे सम्झौता गरेका छन् ।

फेनरबाचेसँगको सम्झौताका लागि ओजिल गत साता नै टर्की पुगेका थिए ।

क्लबका मुख्य प्रशिक्षक मिकेल अर्टेटासँगको सम्बन्ध बिग्रिएपछि ओजिलले आर्सनल छाडेका हुन् ।

ओजिलले गत मार्चपछि आर्सनलका लागि खेलेका थिएनन् ।

३२ वर्षीय मिडफिल्डरको आर्सनलसँगको सम्झौता अझै आधा वर्ष बाँकी रहेको थियो ।

ओजिल सन् २०१३ मा रियल मड्रिडबाट आर्सनल आएका थिए ।

उनले आर्सनलबाट ३ एफए कप जितेका छन् ।

ओजिलले आर्सनलका लागि २ सय ५४ खेलमा ४४ गोल गरेका छन् ।