आर्सनल एफए कपबाट बाहिरियो

एजेन्सी । साविक विजेता आर्सनल एफए कप फुटबलको चौंथो चरणबाट बाहिरिएको छ ।

शनिबार भएको चौंथो चरणमा साउथह्याम्पटनसँग १-० गोल अन्तरले पराजित हुँदै आर्सनल बाहिरिएको हो ।

साउथह्याम्पटनको मैदानमा आत्मघाती गोलको कारण आर्सनल बाहिरिएको हो ।

आर्सनलका ग्राबियलले खेलको २४ औं मिनेटमा आत्मघाती गोल गरेका थिए ।

जुन गोल साउथह्याम्पटनको जितमा पर्याप्त बन्यो ।

बल पोजिसनमा पकड जमाएपछि आर्सनलले घरेलु टिमविरुद्ध गोल गर्न सकेन ।

जसको कारण एफए कपको कीर्तिमानी च्याम्पियन आर्सनल प्रतियोगिताबाट बाहिरिन पुग्यो ।

आर्सनलले सर्वाधिक १४ पटक एफए कपको उपाधि जितेको छ ।

अब साउथह्याम्पटनए पाँचौं चरणमा उल्भ्सको सामना गर्नेछ ।

उल्भ्स यस अघि नै पाँचौं चरणमा पुगिसकेको छ ।