सुर्खेत र लखनउ विजयी

नेपालगन्ज । बाँकेमा संचालित प्रथम स्वर्गीय श्याम थापा स्मृति फुटबल प्रतियोगितामा गुर्वाकोट क्लब सुर्खेत र साहरा एफसी लखनउले विजयी सुरुवात गरेका छन् ।

जसकिसान स्पोर्टस क्लबको आयोजनामा जिल्लाको खजुरा गाउँपालिका सैनिकमा जारी प्रतियोगिताको पाँचौ दिनको पहिलो खेलमा शान्ति स्पोर्टस क्लब बाँकेलाई गुर्वाकोट क्लबले २–० ले हरायो ।

गुर्वाकोटका लागि धर्मेन्द्र थापाले २ गोल गरे । थापाले दोस्रो हाफको २२ र २८ औं मिनेटमा गोल गरे ।

दोस्रो खेलमा साहरा एफसी लखनउले चन्दनाथ क्लब जुम्लालाई ३–१ गोल अन्तरले पराजित गर्यो ।

लखनउका लागि जुवेर अलीले खेलको १० मिनेटमा पहिलो गोल गरे भने मोन्टी राजले खेलको १७ र दोस्रो हाफको ३० औं मिनेटमा गोल गरे ।

चन्दनात क्लबका लागि भने शौगात भण्डारीले दोस्रो हाफको ३ मिनेटमा गोल गरेका थिए ।

जय किसान स्पोर्ट्सले आयोजना गरेको फुटबल प्रतियोगिता माघ ९ गतेसम्म चल्ने छ । प्रतियोगितामा भारतीय दुई टिमसहित नेपालका विभिन्न क्लबहरु गरी १७ टिमले भाग लिएका छन् ।

नकआउटको आधारमा हुने प्रतियोगिताको विजेताले एक लाख पाँच हजार रुपैयाँ र उपविजेताले ५५ हजार रुपैयाँ पाउने आयोजक जय किसान स्पोर्ट्स क्लब सैनिकका अध्यक्ष दीपु रानाले बताए ।

मैटहवा माविको फुटबल मैदान भइरहेको प्रतियोगिता बाँकेको जिल्ला सर्वाधिक पुरस्कार राशीको प्रतियोगिताको रुपमा रहेको आयोजक क्लबका महासचिव दीपक रानाले बताए । प्रतियोगितालाई बाँके बर्दिया मैत्री समाज जापानले मुख्य प्रायोजन गरेको छ ।