आठौं पर्वतीय खेलकुद महोत्सव फागुनमा
काठमाडौं । आठौं पर्वतीय खेलकुद महोत्सव फागुनमा हुने भएको छ ।
माउन्टेन स्पोर्टस फेडेरेशनले सोमबार पत्रकार सम्मेलन गर्दै महोत्सव फागुन २० गतेबाट हुने जानकारी गराएको छ ।
गण्डकी प्रदेशमा आयोजना हुने महोत्सवमा विभिन्न १५ खेलहरुको प्रतियोगिता हुने फेडेरेशनले जनाएको छ ।
महोत्सवमा परम्परागत आर्चरी, ठेलो, क्यानोनिङ, रक क्लाइम्बिङ, क्यानोइङ, साइक्लिङ, प्याराग्लाइडिङ, क्रस कन्ट्रि रनिङ, मोटर स्पोर्टस, टग अफ वार, रिङ रेस्लिङ, घोडा दौड, ट्राइयाथलन, गल्फ, स्केट वोर्डिङ लगाएतका १५ खेलहरु हुने बताईएको छ ।
महोत्सवका लागि सम्बन्धित खेल संघका प्रतिनिधी सम्मिलित १७ सदस्यिय व्यवस्थापन समिती गठन समेत गरिएको छ ।
फेडेरेशनका प्रदेश संयोजक समेत रहनुभएका गण्डकी प्रदेशका सांसद इन्द्रधारा विष्ट सहितको ६ सदस्यिय सचिवलायको कार्यदल गठन गरिएको हो । सदस्यमा लक्की क्षेत्री, वसन्त दवाडी, केशव पाठक, दिपक बहादुर गोदार र प्रतिमा गैरे रहनुभएको छ ।
यस महोत्सवले कोभिड-१९ले तहस नहस वनाएको पर्यटनलाई अघि वढाउन थप सहयोग पुग्ने छ भने उन्टेन स्पोर्टस गेमलाई शुरुवात गर्न मद्धत पुग्ने छ भन्ने हाम्रो विश्वास रहेको आयोजकले जनाएको छ ।
महोत्सव आयोजनाका लागि १ करोड ८८ लाख अनुमानित खर्च राष्ट्रिय खेलकुद परिषद, गण्डकी प्रदेश सरकार, स्थानिय सरकार र प्रायोजक संस्थाहरुवाट सहयोग प्राप्त हुने फेडेरेशनले जनाएको छ ।
