अन्तिम टी–ट्वान्टीमा अष्ट्रेलिया विजयी

एजेन्सी । तेस्रो तथा अन्तिम टी–ट्वान्टीमा अष्ट्रेलिया विजयी बनेको छ ।

मंगलबार सिड्नीमा भएको खेलमा अष्ट्रेलियाले भारतलाई १२ रनले हराएको हो ।

योसंगै भारत तीन म्याचको सिरिजमा २–१ ले विजयी बनेको छ ।

१ सय ८७ रनको लक्ष्य पछ्याएको भारतले ७ विकेट गुमाएर १ सय ७४ रन मात्र बनाउन सक्यो ।

विराट कोहलीले ८५ रन बनाएपनि टोलीको हार टार्न सकेनन् । केएल राहुल शुन्य रनमा आउट भएको खेलमा शिखर धवन २८, सञ्जु सामसन १०, हार्दिक पाण्डेया २०, वासिङ्टन सुन्दरले ७ रन बनाए । श्रेयस लेयर शुन्य रनमा आउट भए । सार्दुल ठाकुर १७ रनमा अविजित रहे ।

अष्ट्रेलियाका मिचेल स्विपसनले सर्वाधिक ३ विकेट लिए ।

यसअघि, भारतले टस जितेर फिल्डिङमा उत्रिएपछि ब्याटिङ गरेको घरेलु टोलीले निर्धारित ओभरमा ५ विकेट गुमाएर १ सय ८६ रन बनाएको थियो ।

ओपनर म्याथ्यु वेडले ८० रनको शानदार ईनिङ्स खेलेपछि अष्ट्रेलिया ठुलो स्कोरतर्फ अघि बढेको थियो । उनले ५३ बलमा ७ चौकार २ छक्काको मदतले सर्वाधिक स्कोर बनाए ।

घरेलु टोलीका लागि ग्लेन म्याक्सवेलले ५४ रनको विस्फोटक अर्धशतकिय ईनिङ्स खेले । उनले ३६ बलमा ३ चौथा र ३ छक्काको मदतले सो रन बनाए ।

स्टेभन स्मिथले २४ रन बनाउँदा कप्तान आरोन फिन्च शुन्य रनमा पवेलियन फर्किए । भारतका वासिङ्टन सुन्दरले २ तथा टी नटराजन र सार्दुल ठाकुरले समान एक एक विकेट लिए ।

भारतले एक खेल अगावै तीन म्याचको टी–ट्वान्टी सिरिज जितिसकेको थियो । पहिलो खेलमा ६६ रनले घरेलु टोलीलाई हराएको भारतले दोस्रो खेलमा ६ विकेटले स्तब्ध बनाएको थियो । १ सय ९५ रनको बिशाल स्कोर भारतले २ बल अगावै मात्र ४ विकेट गुमाएर पुरा गरेको थियो ।

यसअघि खेलिएको एक दिवसीयमा सिरिज भने अष्ट्रेलियाले २–१ले जितेको थियो ।