चन्द्रबन्दना नेपालको पहिलो महिला अन्तराष्ट्रिय रेफ्री

काठमाडौं । रेफ्री चन्द्रबन्दना राई भलिबलको अन्तराष्ट्रिय रेफ्री भएकी छिन् ।

अन्तराष्ट्रिय भलिबल महासंघ (एफआईभीबी) ले राईलाई अन्तराष्ट्रिय रेफ्रीको मान्यता दिएको हो ।

यससँगै राई अन्तराष्ट्रिय रेफ्री हुने नेपालको पहिलो महिला रेफ्री बनेकी छिन्।

एफआईभीबीले नेपाल भलिबल संघलाई एक पत्र पठाउदै राईलाई अन्तराष्ट्रिय रेफ्री प्रदान गरिएको जनाएको छ ।

यस अघि रेफ्री कुल बहादुर राना अन्तराष्ट्रिय रेफ्री भएका थिए ।

नोभेम्बरमा बसेको बोर्ड बैठकले राई र राना अन्तराष्ट्रिय रेफ्रीको मान्यता प्रदान गर्ने निर्णय गरेको एफआईभीबीले जनाएको छ ।

राई र राना बढुवा भएसँगै नेपालबाट तीन जना अन्तराष्ट्रिय रेफ्री भएका छन् ।

यस अघि गौतम लासिवा मात्र अन्तराष्ट्रिय रेफ्री रहेका थिए ।