हाजार्ड र कासिमिरोलाई कोरोना

एजेन्सी । स्पेनिस क्लब रियल मड्रिडका दुई खेलाडीलाई कोरोना भाईरसको संक्रमण देखिएको छ ।

रियल मड्रिडले इडेन हाजार्ड र कासिमिरोलाई कोरोना पोजेटिभ देखिएको जनाएको छ ।

ला लिगाको खेल अघि शुक्रबार गरिएको परिक्षणमा दुई मिडफिल्डरमा कोरोना देखिएको रियलले जनाएको छ ।

रियलले अन्य खेलाडी र कोचिङ स्टाफको नतिजा भने नेगेटिभ आएको जनाएको छ ।

कोरोना देखिएपछि दुबै खेलाडी सेल्फ आईसोलेसनमा बसेका छन् ।

कोरोना संक्रमित भएपछि हाजार्ड र कासिमिरोले ला लिगा अन्तर्गत भ्यालेन्सियासँगको खेल गुमाउने छन् ।

रियलले आइतबार राति भ्यालेन्सियासँग उसैको मैदानमा खेल्नेछ ।