रियलका डिफेन्डर ईडरलाई कोरोना

एजेन्सी । स्पेनिस क्लब रियल मड्रिडका डिफेन्डर ईडर मिलिटाओलाई कोरोना भाईरसको संक्रमण देखिएको छ ।

रियलले सोमबार ब्राजिलियन डिफेन्डरलाई कोरोना पोजेटिभ देखिएको जनाएको छ ।

रियलले ईडरलाई कोरोना देखिए पनि अन्य खेलाडीको रिपोर्ट नेगेटिभ आएको जनाएको छ ।

कोरोना देखिएपछि २२ वर्षीय डिफेन्डर सेल्फ आईसोलेसनमा बसेको रियलले जनाएको छ ।

कोरोना पोजेटिभ आएपछि डिफेन्डर ईडरले च्याम्पियन्स लिग अन्तर्गत इन्टर मिलानसँगको खेल गुमाउने भएका छन् ।

रियलले समूह चरणको तेस्रो खेलमा इन्टरसँग बुधबार घरेलु मैदानमा खेल्नेछ ।

ईडरले यस सिजन च्याम्पियन्स लिगमा एक र ला लिगामा २ खेल खेलेका छन् ।