साफ च्याम्पियनसिप : पाकिस्तानलाई हराएर सुखद सुरुवात गर्ने नेपालको लक्ष्य

ढाका । साफ सुजुकी कप फुटबल आजबाट (मंगलबार) बंगलादेशको ढाकामा सुरु हुँदैछ । ढाकास्थित बंगबन्धु स्टेडियममा हुने नेपालले पाकिस्तानविरुद्ध प्रतिस्पर्धा गर्दै प्रतियोगिताको सुरुवात गर्नेछ ।

नेपाल र पाकिस्तानबीचको खेल नेपाली समय अनुसार अपरान्ह ३:४५ मा सुरु हुनेछ । मंगलबार नै बेलुका ६:४५ मा घरेलु टोली बंगलादेश र भुटानले प्रतिस्पर्धा गर्दैछ ।

पाकिस्तानविरुद्ध मैदान उत्रदा नेपाल सुखद नतिजा निकाल्ने योजनामा हुनेछ । अर्थात्, उपाधि जित्ने लक्ष्य लिएको नेपाल पाकिस्तानलाई हराएर  उपाधि यात्राको थालनी गर्नेछ ।

समूह 'ए' मा रहेको नेपाललाई अघिल्लो चरणमा प्रवेशको लागि पाकिस्तानविरुद्धको खेल महत्वपूर्ण रहेको छ । पाकिस्तानलाई हराउन सके नेपालको सेमिफाइनल पुग्ने सम्भावना बलियो बन्नेछ ।

पराजित भए भुटान र बंगलादेशबीचको खेल नेपाललाई जित्नै पर्ने दबाब छ । नेपालले बिहिबार भुटान र शनिबार बंगलादेशको सामना गर्नेछ ।

साफ फुटबलको १२ औं संस्करणसम्म आइपुग्दा नेपालले उपाधि जित्न सकेको छैन । तर, यस संस्करण उपाधि जित्दै नेपालले पहिलोपटक साफ जित्ने लक्ष्य बनाएको छ ।

‘हामी उपाधिका लागि आएका हौ,’ नेपाली टोलीका प्रशिक्षक बालगोपाल महर्जनले भने, ‘हाम्रो पहिलो लक्ष्य नकआउट चरण पुग्नु हुनेछ । त्यसपछि हामी उपाधिका लागि लड्नेछौ ।’

तर, प्रशिक्षक महर्जनले भनेजस्तो पाकिस्तानविरुद्ध नेपाललाई जित निकाल्न सहज भने छैन । पछिल्लो समय पाकिस्तान निकै बलियो टिमको रुपमा रहदै आएको छ । त्यसैले नेपाललाई ढुक्क हुने स्थिति छैन ।

पाकिस्तानविरुद्ध जित निकाल्न प्रशिक्षक महर्जनले टिम स्क्वाड बलियो बनाउने छ । मुख्य त प्रशिक्षक महर्जनले ४-४-२ को फर्मेसनमा नेपाली टोली मैदान उतार्नेछन् ।

नेपाली टोलीमा सुमन अर्यालले डेब्यु गर्ने सम्भावना बलियो छ । प्रशिक्षक महर्जनले उनलाई लामो दौडका घोडा रहेको बताउदै आएका छ ।

नेपालले पाकिस्तानविरुद्ध पछिल्लो पटक सन् २०१३ मा घरेलु मैदानमा खेलेको थियो । दशरथ रंगशालामा भएको खेलमा नेपालले १ - १ को बराबरी खेलेको थियो । उक्त खेलमा डेब्यु खेलाडी बिमल घर्ति मगरले सनसनीपूर्ण गोल गरेका थिए । बिमल नेपाली टोलीमा रहेका छ ।

यस्तै यू -२३ टिमले भने इन्डोनेसियामा सोमबार सम्पन्न एसियन गेम्समा खेलेको थियो । उक्त खेलमा नेपाल २ - १ ले पराजित भएको थियो ।

साफमा मात्रै पाकिस्तानविरुद्ध नेपालले हालसम्म ६ खेल खेलेको छ ।साफको नयाँ संकरणपछि नेपालले ४ खेल खेलेको छ । जसमा नेपालले  ६ खेलमा २ जित निकाल्दा ३ खेलको बराबरी खेलेको छ । यस्तै नेपालले एक खेलमा पराजय बेहोरेको छ ।

नेपाल भर्सेस पाकिस्तान (हेड टु हेड )

सन् १९९३ जुलाई १६ : १ – १ को बराबरी

सन् १९९५ मार्च २९ : नेपाल २ – ० ले नेपाल र पाकिस्तानद्वारा विजयी

सन् १९९७ सेप्टेम्बर ४ : नेपाल २ – ० ले पराजित

सन् २००८ जुन ७ : नेपाल ४ – १ ले विजयी

सन् २०११ डिसेम्बर ६ : नेपाल र पाकिस्तानद्वारा  १ – १ को बराबरी

सन् २०१३ सेप्टेम्बर ३ : नेपाल र पाकिस्तानद्वारा १ - १ को बराबरी