सन्दीप बेन्चमा, दिल्ली ब्याटिङ गर्दै
एजेन्सी । इन्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्द दिल्ली क्यापिटल्सले अहिले साविक विजेता मुम्बई इन्डियन्ससँग प्रतिस्पर्धा गर्दैछ ।
अबुधाबीस्थित शेख जायद क्रिकेट स्टेडियममा मुम्बईविरुद्ध दिल्लीले पहिले ब्याटिङ गर्ने भएको छ । दिल्लीले टस जितेर पहिले ब्याटिङ गर्ने निर्णय गरेको छ ।
तर, सन्दीपले सिजनको सातौं खेल पनि खेल्ने छैनन् । दिल्लीले मुम्बईविरुद्धको खेलका लागि सन्दीपलाई प्लेईङ सेटमा राखेको छैन ।
तेस्रो पटक आईपीएल खेलिरहेका सन्दीप लगातार सातौं खेलमा टिममा नपरेका हुन् ।
आज दिल्ली छैटौं जितको खोजीमा हुनेछ । अघिल्ला ६ खेलमा ५ जितसहित १० अंक जोडेर दिल्ली शीर्ष स्थानमा रहेको छ ।
मुम्बई भने पाँचौ जितको खोजीमा रहेको छ । मुम्बई ६ खेलमा ८ अंक जोडेर दोस्रो स्थानमा रहेको छ ।
दिल्लीलाई हराएर मुम्बई शीर्ष स्थानमा उक्लन चाहन्छ ।
